كيف تنتج وتربى كلب

هنبتدى من أول خالص من قبل العريس والعروسة مايتجوزو
بالنسبة للأنثى بتيجى لها الدورة مرتين في السنة
قبل نزول الدورة بأسبوع تقريباً بينزل زلال من الممكن أن يكون مصحوب بدم على المربى إن يعطى خلال تلك الفترة مضاد حيوي واسع المجال ( اوجمنتين ) عشان لو فيه ميكروب أو شيء تبقىالدنيا ماشية كويس ونقدر نعالجه قبل مايسبب مشاكل
الأنثى يبجلها أول دورة فيحياتها في سن مابين 6إلى 8 شهور بحد أقصى
والدورة الثانية بعد 6 أشهربالضبط ودي بتجوز فيها بإذن الله
ملحوظة

بعض الإناث يبجلها الدورةالثانية قبل اكتمال العام الأول جوز الدورة اللي بعدها تبقى بعد 3.5 شهر
الإناث ذات الأحجام الكبيرةيفضل التزاوج بعد سن عامين
يجب إعطاء دواء الديدان كل3 أشهر للأنثى يعنى تبقى قبل الدورة ب 15 يوم أو شهر
بالنسبة للذكور
أول الذكر ما يبلغ سن 14شهر نديله جوازه واحدة بس يفك فيها جسمه ويتعلم الجواز وبعد بلوغه العام والنصف نبتدى نخلية ذكر طلوقه للمربى
ملحوظة
لاتحاول أن تجعل الذكر كلب طلوقه إلا بعد اكتمال العام ونصف
لو أنت مربى الذكر منذ الصغر راقب خصية الذكر عند عمر 3 أشهر بحد أقصى 4 أشهر لو وجد عدم وجود الخصيتين أو إحداهما
اذهب للطبيب فورا لإجراءعملية واتعملت في مصر ونجحت كتيييير

نيجى بقة لليله الدخلة نعرفها إزاى

الأنثى الطبيعية بجيلها الدورة لمدة 9 أيام ثم ينقطع بعدها الدم نتركها لمدة يومين يعنى في اليوم الحادي عشر ونزوج يوم بعد يوم لمدة 3 مرات
من الممكن أن تنقطع الدورة يدرىيعنى السادس جوز في التاسع والحادي عشر و الثالث عشر وممكن تزوج جوازة رابعة في هذه الحالة
طيب لو الدم مستمر حتى الحادي عشر نصبر للثاني عشر لو ما انقطعت جوز في اليوم ده في وجود دم مفيش مشكلة
ملحوظة

تقدر تعرف أن الأنثى جاهزة للتزاوج بانقطاع الدم
انظر إلى جهازها التناسلي هتلاقية منتفخ ولونه وردى
يجب أن تطهر جراب الذكربالبيتادين المخفف بمجرد نزوله من فوق الأنثى كل مره
يجب إعطاء الذكر نصف كيلولبن مخلوط بمثله ماء مع 4 بيضات مع عسل اسود بمجرد الانتهاء من الزيجة كل مرة وديبتعمل شغل جامد جدا
يجب أن يكون الكلب الطلوقه بعيد عن اى أنثى حائض قبل وخلال فترة التزاوج حتى لا يبرد
ممنوع إعطاء أية مضادات حيوية أو أدوية ديدان أو رش للحشرات أو اى شيء خلال فترة التزاوج
بعد ذلك نعزل الأنثى في غرفة الولادة منفصلة عن اى كلاب وفى جو هادى
ونبتدى ندى الأنثى فيتامينات متكاملة العناصر
مع فوليك أسيد وده بيساعدعلى نمو الجهاز التنفسي للجراء دون عيوب أو مشاكل
وماتيرنا ودي لزيادة إدراراللبن وكالسيوم
نقف جميع الفيتامينات بعد45 يوم من التزاوج

الحمل

مدة الحمل شهرين ممكن تزيد إلى 65 يوم أو تقل إلى 55 يوم معظم الإناث اللي بتولد لأول مرة بتولد على 55 يوم ولازم نراقب الأنثى دائما لو نزلت مياه شفافة مخلوطة بالدماء أعطها ساعتين وان لم تلد اذهب بها إلى الطبيب مباشرة وبسرعة ربما تحتاج إلى قيصرية لان هذه المياه هي الموجودة داخل الأكياس الموجود بها الجراء ومعنى نزولها إن الجرو لا يستطيع أن يتنفس طول مافيش مياه بتنزل أنت مطمأن وحتى اليوم 68علامات الحملهتلاقى الأنثى في احلي صورة لها وفرحانة وسعيدة ومليانة وبدء جسمها يتدور تعمل سونار في اليوم 35 لأخر تزاوج أو هتلاقى في 45 يوم البطن ابتدأت تنزل لتحت والصدر بينزل لأسفل برضه بعض الإناث البطن بتكبر والصدر ينزل وبتنزل مياه الولادة وبيبقى حمل كاذب لان المياه دى بتبقى مياه داخل الرحم

تحذير

أوعى تعطى الأنثى حقنة طلق وتسمع كلام كل من هب ودب والناس اللي بتحب تخدم اكرر لو سوائل الولادة نزلت ولم تلد الأنثى خلال ساعتين اذهب بها إلى الطبيب لو فكرت تديها حقنة طلق عنق الرحم بيبقى مقفول وده بيسبب انفجار في الرحم حقنة الطلق لاتؤخذ إلابعد نزول أول جرو ومر أكثر من ساعة على ولادة الجرو التاليعشان الناس اللي مشهتقدر تتأكد إن عنق الرحم انفتح تتأكد تماما الطبيعي أن تلد الأنثى جرو كل نصف ساعة أو ساعة طبيا ممكن تلد في خلال 24 ساعة 

 دلوقتى بعد الولادة نبتدى نعلم الانثى كيفية إنها تنام للجراء للرضاعة ونبتدى نهديها ونخليها تنام فى وضع ثبات ونبتدى ناخد الجراء برفق على الحلمات وبضغطة بسيطة على الحلمة هينزل نقطة لبن
نبتدى نحط
فم الجرو عليها برفق حتى يمسك فى الحلمه بكل قوته ثم الجرو اللى بعده ثم اللى بعدة إلى أن ننتهى من الجراء



ملحوظة
دائما حاول انك توفر الهدوء لكلبتك وبالذات لو هي أول مرة
اللي يتابع الأنثى شخصين بالكثيرويكونوا بيتعاملوا معاها قبل الولادة
دائما تضع الجراء الكبيرةعلى الحلمات الامامية والجراء الصغيرة على الحلمات الخلفية
لان الحلمات الخلفية مملوئه باللبن أكثر من الأمامية
دائما تحافظ على تقليب الأنثى على الجنبين وتخلى الجراء ترضع من جميع الحلمات قد يؤدى عدم الرضاعة من حلمة أو أكثرإلى وجود صديد
دائما واظب على تدريب الأنثى على النوم لفترات طويلة للجراء ده هيؤدى إلى تعليمها أنها تجلس إلى جرائها
هتواظب على عمل ذلك كل نصف ساعة لمدة 4 ايام متواصلة
واحد هيقول ناس سيباها على الله وسايبين كلابهم هقولك كله على الله وناس سايبة كلابها والجراوى بتموت إحنابنعمل اللي علينا لان كل جرو بيموت بتخسر قيمتة وبيسبب لك الم كبير معنويا
لون اللبن فى أول 4 أيام ابيض مصفر ( السرسوب ) المفروض ولو فيه صديد لاقدر الله بيبقى شبة لبن السرسوب
المحترف فقط هو اللى يقدريفرق بينهم من الملمس أو الرائحة
لو أنت مش محترف هتلاحظ خلال تلك الفترة إن الجراء بيخسوا وتبتدى ضلوعهم تبان ويبتدى الجرو يفقد القوة على الرضاعة وعاوز حد يحطله اللبن فى بقة ويبلع لية كمان وتبتدى الجراء تموت واحد بعدواحد بنفس الطريقة والاعراض

الحل اية ؟؟

لو وجدت هذه العلامات واستمر اللون الأصفر مستمر لمدة 5 أيام اعزل الجراء واديهم لبن صناعي رويال كانيل أوأى نوع لبن متخصص للكلاب
وابتدى أدى النتاية اوجمنتين 1 جرام قرص كل 12 ساعة لمدة 5 أيام
خلال فترة المضاد الحيوي يوميا أنت بتعصر صدر النتاية حتى لا يجف اللبن من صدرها نهائى(يفضل عمل مزرعة لبن في أى معمل تحاليل بشرى)
بمجرد مشاهدة لون اللبن يرجع إلى لونه الأبيض الطبيعي نضع الجراء تحت أمهم

نصيحة هااامه

-----------------
سواء إلام جابت صديد أولا
إديى لبن صناعي مع الرضاعة الطبيعي وده يفرق معاك كتييييير
في الحجم والصحة والتأسيس بجد هتاخد جراء مستواها رهيييييب
كيفية إعطاء اللبن الصناعي للجراء
لو مع الرضاعة الطبيعي 5مرات على فترات منتظمة
لو بدون الرضاعة الطبيعي مره كل ساعة
المهم نواظب على وضع الجراءعلى الصدر وتثبيتهم كل نصف ساعة و وضع اللبن الصناعي 5 مرات يوميا لمدة أسبوع
بعد مرور أسبوع بهذا النظام لابد أن تكون الجراء ضعف الحجم الطبيعي وعدينا الخطر بنسبه 50 % نبتدى بقى نشبط الجراء صباحا أو ليلا أوكل ماتبقى فاضي مع المحافظة على رضعات اللبن الصناعي
الجراء تتفتح من 10 أيام إلى14 يوم بإذن الله
نبتدى نواظب على الرضاعة الصناعي ونزودها لو أمكن
أول لما الجراء تكتمل عمر18 يوم نبتدى ندى الجراء لبن زبادي منزوع الدسم مخلوط بمعلقة عسل ابيض
يتم وضع فم الجرو في الكوب هيبتدى الجرو يشم ثم يلحس الزبادي مرة في مرة هيبتدى يلحس وياكل الزبادى المنزوع الدسم
هنفضل كده لمدة أسبوع يعنى عمر 25 يوم وطبعا هتبتدى بعلبة زبادى للكل وهتوصل إلى كوب زبادى لكل جرو مخلوط بالعسل الأبيض فى الوجبه الواحدة هتدى زبادى 3 مرات فى اليوم أو مرتين مفيش مشكله
بعد سن 25 يوم نبتدى ندى سريلاك اصغر سن بالقمح وكما فعلنا بالزبادى نفعل بالسيريلاك وتبقى وجبتين زبادى مع وجبة سيريلاك مع اللبن الصناعى
نسيت أقول انك فى اليوم 25من الولادة تدى للجراء كل جرو ربع قرص درونتال
ايون هتدى ربع قرص درونتال فى سن 25 يوم
وصلنا لليوم 30 نبتدى ندى خضار مهروووووس جيد جدا يبقى شوربة من كتر الهرس يعنى اسلق الخضار جامد واضربه فى الخلاط مع معلقة لكل جرو أرز مهروس أيضا
وهيبقى وجبة زبادى ووجبة سيريلاك ووجبة خضار مهرووس مع أرز
ووجبة سيريلانك تأنى مع اللبن الصناعي والرضاعة الطبيعي
عاوز ندى فيتامينات ندى كالسيوم شراب + فوسفات 2 سم كل يوم صباحا مع الزبادي

ملحوظة
حافظ دائما أن الكالسيوم مع اللبن أو الزبادي صباحا مع الشمس ( ما بعد 7صباحا وحتى ما قبل 10 ص)
طيب وصلنا إلى اليوم 35ندخل مع الخضار المهروس لحمه مفرومة أو نساير فراخ بنسبة قليلة جداً جداً
من الأخطاء لدى المربيين انه مايديش لحم أو فراخ للجراء إلى ما بعد الشهرين أو 3 شهور خوفا من التليين دى معلومة خطا
أدى لحم أو فراخ إنما بكمية قليلة جدا يعنى في النصف كيلو طعام أدى 100 جرام لحم
لان زيادة البروتين يزود اليوركأسيد وده بيعمل مشاكل في وظائف الكلى
ممنوع العظم نهائيا للجراءحتى اكتمال الشهر الرابع
ونزود كمان صفار بيضة الصبح مع الزبادى الكلام ده إلى 35 يوم
وندخل بقه الدراى فوودالمخلوط بالماء
هتبقى الوجبة
زبادى مع عسل مع رغيف عيش فينو مع صفار بيضة لكل جرو
3 وجبات دراى فووود حتى البيع أو اكتمال شهرين
عمر 40 يوم ندى نصف قرص درونتال لكل جرو يعنى بعد الجرعة الأولى ب 15 يوم
وعند بلوغ الجرو عمر 55 يوم ندى قرص درونتال لكل جرو
طيب اللي عاوز يوقف الرضاعة الصناعي
ممكن توقفها عند عمر 45 يوم وتستبدلها بلبن اسمه دانو جميل جدا وتحط علية مكمل غذائي أسمة بديا شور معلقة على كل وجبة أكل

ملحوظات هامة جداً جدًا

التطعيمات
حافظ جيداً على التطعيمات
توجد تطعيمات فى السوق (ثنائى ) أدى الجرو في عمر 25 يوم تطعيم ثنائي
وبعد 21 يوم تطعيم سباعى أوثماني
وبعد 21 يوم سباعى ثماني
اللي تلاقيه سواء سباعي أو ثماني أدى منه
أهم شيء المصدر يكون موثوقبه
ومتديش تطعيم فى الشمس لان الشمس بتتلف التطعيم
ولا تدى وفية جرو سخن أو عنده برد
كن صريحا مع الآخرين اللي هتديهم أو تبيع لهم كلابك بتطعيمات الكلاب سواء أعطيتها أم لا
تدى التطعيم مساءا وراقب الجرو بعد التطعيم وشوف حالته لو سخن شوية اديلة بروفين أو اذهب بيه إلى الطبيب
راعى دائما أثناء معاملتك مع الجراء لاتذهب إلى صديق لدية كلاب أو مزرعة أو احد يتعامل معك ولو حدث ذلك غيرملابسك كاملة قبل التعامل مع الجراء
كل جرعات الديدان والتطعيمات لابد أن تعطى الأم منها مع اختلاف النسب في أدوية الديدان
لاتعطى تطعيم وفية جراء من إناث أخرى لم تطعم
طبعا تكلفة عالية جدا جدا وعشان كده أنا قولت حاول تقتنى كلب نقى بيور عشان تغطى تكلفتك
لو عملت غير كده أنت غير أمين مع نفسك ولا مع الآخرين

 طبعا أنت بتكون أخذت قراركببيع بعض الجراء والآبقاء على جرو أو أتنين يكونوا الجيل الثانى ليك
1- الغـــذاء
الغذاء مهم جدا فى هذه المرحلة لان كل ده تأسيس فكل جرام من الطعام مهم جدا فى مرحلة نمو الكلب
طبعا أنت لو هتدى دراى وهذا أفضل شيء لان التكلفة فى الفريش أعلى من تكلفة الدراى مهما غلا ثمنه
وكمان مش نقدر نظبط نسب البروتين والعناصر الأخرى
وهنقسم الكلاب نوعين
كلاب كبيرة الحجم ( مثل الماستيف و الساينت برنار والجريت دان وغيرهم )




وكلاب صغيرة الحجم مثل الجيرمان والروت وما يشابههما


هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 560x420 .






كلاب كبيرة الحجم
==========
بتحتاج نسبة عالية جدا من البروتين والكالسيوم وبالذات لو أنت مربى فى بيت
وخلى بالك إن الارضيه الرطبة تؤثر كلى وجزئي على عظام هذه الكلاب لأنها بتبقى تقيله
عمر شهرين إلى 5 شهور
وجبة 8 صباحا
بندى فى الفطار 5 بيضات مع نصف كيلو لبن مع 2 رغيف عيش مخلوط بنفس المقدار ماء مع 10سم كالسيوم استيوكير مع10 سم فيتامين متعدد
وجبة 12 ظهرا
هتدى 1 كيلو خضار متنوع مسلوق مع 2 رغيف عيش + شوربة ( سبانخ و جزر و باذنجان و بسلة وفاصوليا وكوسة
وجبة 4 عصرا
هتدى نصف كيلو لحم أو 400جرام كبده أو كلاوى أو كيلو كرشة أو فرخه مخليه مع 5 رغيف عيش
وجبه 8 مساءا
نفس وجبه 4 عصرا بدون عيش أوشوربة ومعاها شوية خضار قليل
وجبه 12 مساء
بندى 5 علب زبادى منزوع الدسم مع 2رغيف فينو



الكلاب صغيرة الحجم
===========
عمر شهرين إلى 5 شهور
وجبة 8 صباحا
بندى فى الفطار بيضة واحدةيوميا عدا الروت بيضة كل أسبوع مع نصف كيلو لبن مع 2 رغيف عيش مخلوط بنفس المقدارماء مع 3 سم كالسيوم استيوكير مع 3سم فيتامين متعدد
وجبة 12 ظهرا
هتدى نصف كيلو خضار متنوع مسلوق مع 2 رغيف عيش +خضار و شوربة الخضار ( سبانخ و جزر و باذنجان و بسلةوفاصوليا وكوسة
وجبة 4 عصرا
هتدى ربع كيلو لحم أو200جرام كبده أو كلاوى أو نصف كرشة أو نصف فرخه مخليه مع 3رغيف عيش
وجبه 8 مساءا
نفس وجبه 4 عصرا بدون عيش أوشوربة ومعاها شوية خضار قليل
وجبه 12 مساء
بندى 3علب زبادى منزوع الدسم مع 2 رغيف فينو




ملحوظة
====
لا بد من تثبيت ميعاد الوجبات حسب راحتك وظروفك إنما نثبت التوقيت
من الأفضل أن يكون في تغيير فى وجبات الغذاء
يعنى يوم تدى لحم يوم تدى كرشة يوم تدى كبده يوم كلاوى يوم كرشة يوم فراخ يوم صيام فقط وجبة الفطار والعشاء
من الممكن أن تستبدل العيش بأرز أو مكرونة ويجب استبدالهما بالتناوب يوم عيش يوم أرز يوم مكرونة فى وجبتي 4 و8 مساء
واليوم الصيام ده بيبقى مهم جدا لان الكلب فى اليوم ده بيتخلص من السموم الموجودة فى الجسم وبتخليه يقبل على اليوم اللي بعده على الأكل بصورة قوية
لايجب إعطاء الجراء أيةعظام مسلوقة أو نية
ممنوع منعا باتا إعطاءالجراء أية هرمونات اومنشطات
وضع طبق الطعام أمام الجرولمدة 10 دقائق طول ماهو فمه في طبق الأكل نسيبة لو لاقيته بيدلع ارفع الطبق على طول وقدمه في الوجبة التالية في توقيتها
يجب دائما مراعاة أن يكون طبق الأكل في مكان عالي للجرو لايجب انحناء رأسة لأسفل
يجب دائما ملاحظة كلبك وحفظ سلوكياته في الطعام ولو وجدت كلبك في يوم أكله قل عن طبيعته راقب جيدا مجهوده ونشاطه وحمامة لو وجدت اى اختلاف اكشف عن درجة الحرارة ثم اذهب إلى الطبيب
حاول كل 15 يوم تدى 3 سم عسل ابيض ده بيعطش الكلب ويخلية يشرب ماء كثير هتلاقى دائما البول بتاعة فاتح ورايق