خط الدم دا و ايه علاقته بنقاء السلاله و ايه علاقته بجواز الاقارب!!! و هل جواز الاقارب بياثر فعلا!
الموضوع دا مهم اوي يا جماعه لكل واحد عاوز يفهم مش يربي و السلام... و يضحك عليه بكلمتين.. 
😃
😃
قبل ما نتكلم علي الموضوع دا لازم نعرف يعني ايه صفه او يعني ايه جين gene و يعني ايه صفه متنحيه و صفه سائده..
صفه=2جين
كل جسم او كائن حي بيكون له مواصفات .. طويل.. تخين.. اسمر.. ابيض.. عيون ملونه.. شعر طويل.. شرس.. طيب.. الخ
و المواصفات دي المسؤل عن اظهارها هو الجين ..
و جين التخن جمب جين الطول جمب جين الشراسه مع باقي الجينات.. يترصوا جمب بعض و يطلعولي ال DNA او الحمض النووي للخليه بتاعت الجسم و خليه جمب خليه تكون عضو و عضو جمب عضو بيكون جسم متكامل..
...................
طيب الصفه اللي عندي .. بيمثلها في الجسم 2 جين..
بمعني كل صفه علشان تظهر لازم نلزق اتنين جين في بعض علشان تظهر عندي الصفه.. توهتوا مني صح 😃 طيب هديكوا مثال ..
😃 طيب هديكوا مثال ..
صفه الطول المسؤل عن اظهرها هما جينين
جين (أ) و جين (ب) نقوم لما نجمع الجين أ مع ب = تطلعلي صفه الطول اللي هي (أ ب)
..................
المسؤل عن توريث الجينات دي هما الاب و الام
بمعني كل واحد فيهم بيشارك ب جين واحد فقط ممثل في
الحيوان المنوي من الاب (أ) و البويضه من الام (ب) يتجمعوا مع بعض و يطلعولي (أ ب) = جنين له صفه الطول اللي اكتسبها من امه و ابوه .. و قيس علي كدا الاف الصفات المحمله علي الحيوان المنوي و البويضه بتاعت الاب و الام و معني كدا ان الجنين بياخد نص صفاته من ابوه و نصها من امه..
..................
طيب انا في عندي حاجه اسمها
(جين_سائد) و حاجه اسمها (جين_متنحي)
و احنا اتفقنا اننا علشان نجيب صفه لازم يشارك فيها 2 جين
فا الجين السائد دا لما بيجي مع جين متنحي.. بيغطي عليه و يحط عليه و يخليه ملوش اي لازمه عندي و ميظهرش .. توهتوا مني تاني 😃 طيب خدوا مثال
😃 طيب خدوا مثال
مثال:- انا عندي كلب عنده كسحه و الكسحه دي صفه سائده
و عندي كلب مستقيم و الاستقامه دي صفه متنحيه فا لما نجوز الكلب اللي عنده. كسحه للكلب المستقيم .. هايطلعلي جراوي كلها بكسحه بس.. ليه!! علشان صفه الكسحه هنا السائده فا هاتغطي علي صفه الظهر المستقيم.. هاديكوا منظر حسابي كدا ممكن يسهل عليكوا الدنيا
NN x nn
Nn
...........
الاب ذو صفه الكسحه السائده NN
الام ذو صفه الظهر المستقيم المتنحيه nn
الجراوي Nn هنا بقي شكلها ايه!!! فكر كدا. ايوه فعلا كلها بكسحه لان الجين N صاحب الكسحه بيغطي بنسبه 100% علي الجين n صاحب الظهر المستقيم....
لكن هل الجراوي دي رغم كسحتها دي.. نقيه!! و صاحبه
خط دم نقي!! لا طبعا هي عندها كسحه اه لكن خط دمها غير نقي..
طب هاتسالني ازاي يا عم ما كل الجراوي بكسحه اهو
هاقولك طب تعالا جوز كدا اتنين اخوات من الجراوي دي و بص هايطلعلك ايه
Nn x Nn
NN.. Nn.. Nn.. nn
دا منظر الجراوي اللي هاتيجي بالظبط
جرو NN بكسحه نقي
جرو Nn بكسحه غير نقي
جرو Nn بكسحه غير نقي
(جرو nn من غير كسحه خااالص)
و هنا بان لي خط الدم اهو و نقاوه الام و الاب بانت ان هما مكنوش خط دم نقي رغم ان كسحتهم موجوده و كمان جواز الاقارب شفتوا بيعمل ايه بيجيب جراوي يبان فيهم العيوب يعني لو نفذنا الكلام دا علي صفه مثلا (الهيب ديسبليجيا) او عدم تكوين مفصل و حط الصفه دي كا متنحيه.. و جوزت اتنين اخوات مش ظاهر عليهم المرض دا لكنهم حاملين للجين المتنحي.. لازم و الف لازم هتلاقي ربع الجراوي عندهم.. Hip dysplasia ....
و هو دا اللي بيخلي اسعار الكلاب ذات الدم النقي غاليه جدااا
ليست هناك تعليقات:
إرسال تعليق